مشكلة عايزة الحل

انا كنت عايزة رايكم ف المشكلة دى ف بنوتة كانت بيتحب واحد زملها لمدة سنة وهو كمان بيحبها اوى وبعدين ف فترة الاجازة اتخطبت لواحد مركزة مرموق اوى وهيعيشها عيشة جامدة اخر حاجة وهى مش قدرة تقول لاهلها لاء او هى مش موافقة علشان هى مش عاملها لنفسها شخصية ف البيت وفضلت مع حببها وخطبها لمدة 6 شهور بعدين محتارة تعمل اية مش عارفة تسيب خطبها ازاى الانة انسان كويس اوى وف نفس الوقت مش قادرة تبعد عن حببها ولا هو بس هو بيحاول يبعد وكل اما يبعد هى بتقرب اكتر بليز عايزة رايكم ف المشكلة دة هستنا رددكم

اولا دي خيانه الي هي فيه ده ومش ينفع تكون كده لان خطبها مامنها علي نفسه واسمه ومديها ثقه وكده
مش عندي معني مش يجرح اقوله
المهم لو هي بتحب حبيبها ده اوي ومش هتعيش منغيره وده واضح لانها لمده 6 شهور مش قدرت تبعد عنه ولا تقرب من خطبها
فهمي من راي يعني
تصارح خطبها بينها وبينه انها مش قادره تاخد عليه ولاتحبه
ومش لازم ابدا علشان تفكي الخطوبه يكون فيه سبب جامد اوي او حاجه مش كويسه لان اصلا الخطوبه معموله علشان التفاهم والحب بين الاتنين اذا حصل خلاص بيكملو ولو لا كل شيء نصيب
وكده كده جوازه فاشله من الاول وانا اسفه اني حكمت كده بس ده الواضح 6 شهور ومش قادره تحبي انسان المفروض هيكون لك كل حاجه
المهم يعني خلاصه الرغي ده
هي المفروض تصارحه انها مش قادره تحبه وكلامها معاه يكون مش جارح ويكون علي اد ماتقدر مش بيقلل منه وتحاول تطلع العيب فيها لانها مش قادره تحبه
بس مش تقول ان فيه حد تاني ولاحتي تلمح لده وتفهمه انها فكرت كثر ومش قادره تكمل معاه
وبنا بقا يقدم لها الخير ويسامحها علي الي عملته فيه