ممكن افضفض معاكم شوية

السلام عليكم و رحمة الله و بركاته
معلش سامحونى بس بجد محتاج أفضفض شوية معاكم و أعرف ليه بيحصل كدة
هوه ليه فيه ناس بوشوش مش بوش واحد و ليه فى ناس بتكدب و بتنافق
و ليه الناس مش بتحافظ على بعض و مش بيهتموا ببعض و ليه مبدأ نفسى ثم الآخرين
و معقول ممكن حد يتخدع فى الناس لوقت طوييييييييل
أنا حصل معايا كدا زمان و اتخدعت فى واحد من صحابي تقريبا سنتين و لحد الوقت مش مصدق نفسى و لا فاهم ليه و مش فيها بس
هوا ليه الناس مش واضح و ليه غاويين اللف و الدوران
أنا جربت أعيش بمبدأ العين بالعين و السن بالسن و البادىء أظلم
بس كرهت نفسى بجد و حاولت لحد ما اتغيرت و رجعت زى ما كنت
أنا مش بعرف أطلع اللى جوايا بس بجد اتخنقت من كتر التفكير فى الكلام ده
هوا ليه منبقاش زى ما ربنا قال يكون فيه بينا تسامح و صلة رحم
اللى بجد مش بشوفها و فين الصدق
بجد زهقت و اتخنقت و بقيت بشك فى كله صحيح بفرض حسن النية بس بردوا بيفضل فى قلبى شك بس للاسف مش بعرف أكون حريص من صحابى
أنا و الله بحب صحابى جدااااااااااا و بجد و بعتبرهم أخواتى سواء من هنا او من هناك و بتعامل على الأساس ده و أنا أصلا بتعامل عادى و بتلقائية و بصدق علشان كدة لما بلاقى نفسى غلطت فى فهم حد منهم بحس انى اتصدمت صدمة عمرى و ببقى هتجنن بجد
طب ليه متبقاش الناس على طبيعتها من غير تزييف و تتمنى لبعض الخير
سامحونى انى طولت عليكم بس بجد كنت محتاج أفضفض معاكم شوية
جزاكم الله خير الجزاء

ياابني خلاص فوق الدنيا مش كلها وحش زي ماقولت قبل كده ده سوء اختيار مش اكثر وياريت نحاول نختار صح في كل حاجه ومش كل حاجه نقول الدينا بقت الدنيا عملت احنا الي بنعمل مش الدنيا وياريت كل واحد يبدا بنفسه واولكم انا ان شاء الله

متحاولش تدور على حد يكون صادق معاك خليك صادق مع نفسك اولا ومحدش هيقرب منك الا لما يكون زيك لانه ساعتها اى حد منافق هيقلق يتعامل معاك وهيبعد و ساعتها كل النا س هتبان حواليك وهتعرف مين الكويس ومين الوحش وهتحدد هتكمل حياتك مع مين
اختكم..............,,,,,,,,,
داليا