حبه هيافه

مرة واحد عداه العيب خد اللي بعده

مرة واحد دماغه لفت قابلها من الشارع التاني

واحد اتجوز واحدة اسمها نعمة باسها وش و ضهر

مدير مدرسة عمل فرح وزع على المعازيم أرقام جلوس

واحد شحات راح لواحد عجلاتي قال له أعطيني مما أعطاك الله، قال له العجلاتي خد لك لفة

مدرس جغرافيا جاب لمراته هدية سلسلة جبال

واحد بلدياتنا نزل محطة مصر لقى بتاع الأنابيب بيخبط عليها، قال له افتحلي واحدة ساقعة لو سمحت

مرة سواق تاكسي قابل واحد مسطول قال له تاخد كام و توديني فين؟؟ السواق رد عليه و قاله: هات اللي تجيبه و انزل هنا

مرة سواق تاكسي داس بنزين موته

مرة سواق تاكسي داس فرامل فعصه

واحد بلدياتنا عاوز يفسح عروسته في شهر العسل، فسحها في منحل