طول الوقت.مصطفى كامل

طول الوقت... وانت بتخدع وانا مش فاهم
سايب روحى وعايش واهم
بتعيشنى فى دنيا جميلة
بتسهرنى ليالى طويلة
كل يومين توعدنى بوعد
وبتحلفلى ان احنا لبعض
كل مانبعد ترجع تانى
وتاكدلى ان انت عشانى
وانا من طيبتى وطيبة قلبى صدقت
طول الوقت...وانا فى بحور اوهامك عايم
قلبى ياعينى مغمض نايم
فكرك شط وبر ومرسى
كل ماتكدب اسامح وانسى
ماشى بكل عواطفى معاك فاكر قلبك قلب ملان
وانت بتزرع جرحى وياسى
وانا بضحك على روحى ونفسى
كان لازم افوق من وهمى
وانا فوقت...
ليه الحب يهون تخدع ليه وتخون
ليه مقدرتش ليه ماعرفتش مرة واحدة تصون
ليه الظلم حرام. ليه كتر الاوهام
بفضل اداوى جراحك وارجع وانا كل الام
طول الوقت...وانت معايا بكل غرورك
لسة مسر تكمل دورك
لسة بتلعب دور الخاين
بس برافو عليك مش باين
كل ما احس بغدرك يوم
ترجع تانى تقول مظلوم
ابدا اصدق تانى دموعك
وافرح تانى بطعم روجوعك
اعمل ايه ما انا جوا بحور الوهم ........غرقت
طول الوقت...
وقلبك خاين زى ما هوا وانا على وعدى بحب بقوة
عمرى ماكنت اتصور انك كل الغدر ده يطلع منك
انا صدقنى بجد حزين
مش على هوا ولا شوق وحنين
على ايام عمرى اللى اتسرقت على احلام قلبى اللى اتحرقت
اندم انى مشيت وياك وبدات
بندم على الانسان اللى عشقته وخان
اللى هويته واللى اديته كل شوق وحنان
بندم على المشوار
اللى انتهى بالنار
ما انا وعنيا وقلبى وروحى
معرفناش نختار